الاسير
عندما تتوه المعانى وتندثر الكلمات
عندها يكون عندى يقين بأن القلب قد مات
ادعوك ربى ان تغفر لى كل ما فات
واسألك ربى
متى ؟
متى اعود الى نفسى ؟وتنتهى مده عقوبتى
وينفك اسرى
اما ان تعود نفسى الى نفسى
او تعود اليك
يا مالك كل شىء
بما فيهم انا نفسى
posted by raspoutine at
4:24 PM
30 Comments:
ابنى العزيز يامن ..نبرة الحزن دى شىء مؤلمة جدا..ايامنا جعلها الله سبحانه وتعالى داوليك..وذلك حتى نستشعر قدر رحمته بنا..ذلك ان لوكامن الايام واحدة او متشابهة لفقدت الحياة شكلها..سيدنا ابراهيم ظل حتى سنوات متقدمة من العمر محروم من خلفة الاولاد..وعندما جاءت الملائكة لتيشره باسحاق..استنكر على نفسه ذلك..وقال ""ابشرتمونى على مسنى الكبر فبم تبشرون"..قالوا بشرناك بالحق فلا تكن من القانطين"" قال ومن يقنط من رحمة رحمة ربه الا الضالون"
ابنى العزيز يامن ..ان بعد العسر يسرا ان بعد العسر يسرا
فلا تقنط من رحمة الله ابدا..هذا ولو هذا الكلام افتراضى..دعائى لك بفرج قريب
كلماتك معبرة عن حالة شجن عميق..حاول كدة تفكر مع نفسك بهدوء و أكيد ربنا حيلهمك بالحل اللي يقودك للسعادة و راحة البال
يارب فرج همك ويسر حالك وفك اسرك من قيد الدنيا
هدعيلك بظهر الغيب لانى حاسه انك محتاج ربنا ومحتاج دعوه صادقه من انسان بدون نفاق ولا مصلحه
ربنا معاك
زى ما قالك استاذ حسنى لا تقنطو من رحمه الله
متخفش ربنا معاك هيفك كربك باذن الله
لا اله الا انت سبحانك انى كنت من الظالمين
لحظة العودة الى نفسك هي نفس لحظة العودة الى الله
ربنا يعينك ويقويك
قيودك من نفسك ، وسجنك فى داخلك فإقترب من الله وتحرر
جميل انه الواحد يرجع لربنا كل ما يحس بضيق
تحياتي
اما ان تعود نفسى الى نفسى او تعود اليك ما اجمل هذه الكلمات يا رب فك اسرنا جميعا
حوار اكثر من رائع
ربنا يسعدك
تحياتى
راسبوتين
عزيزى لا دوام لحال فاليوم انت اسير نفسك وغدا انت حر طليق معها
لكن بالله عليك اما طلبت غير ان يفك الله اسر نفسك وانت سجانها وفى يدك مفاتيحها
اسأل الله ان يمنحك قوة اطلاق سراحها فانت وهى وجهان لعملة واحدة
تحياتى
ان ترجع نفسك ليك يارب ان شاء الله ترجع وتلاقى نفسك ;) بس انها ترجع لربنا ماهى هايجلها يوم وترجع مستعجب ليه بعد الشر ياايمن
جميل ان الانسان انة كل فترة يعقد مع نفسة ويحاور فيها
ويعمل كشف حساس اول با اول
اهم حاجة عدم البعد عن ربنا طول ما انت قريب منة كل حاجة هتحل
الله عليك
اسلوبك شيق للغاية وعجبني جدا
لك تحياتي
جميل جدا ان الواحد يقعد مع نفسه من فترة للتانية ويحاسبها والاجمل انه يلجأ لربنا انه يساعده على نفسه .. وطالما لجأت للي خلقك
ثق انه اكيد هيكون عون ليك وهيفك اسرك
اسلوبك بسيط وفي منتهى الروعة
تحياتي
:)
ربنا يفك اسرك و اسرى من الضعف المسيطر على الانسان المقيد حركته المفترضه نحو خالقه و بارئه
تحياتى
واحد نفسه يفك الاسر و يجرى نحو الله
بجد ما كنش نفسى اقرا كلام زى ده عند اى حد
مريت بالاحساس ده قريب اوى
وبجد مفيش حد يقدر يساعك غير ارادتك وثقتك فى ربنا وفى نفسك
انت الوحيد القادر على التغلب على الاحساس ده بالاستعانه بالله وحده
يا رب فى اقرب وقت تكون احسن بجد
ربنا يوفقك
وتقدر توصل لمرحله الاستقرار النفسى اللى بتتمناها
ربنا معاك
اما ان تعود نفسى الى نفسى
او تعود اليك
يامالك كل شىء
بما فيهم نفسى
احساس فى قمة العمق والحزن
والغربة
ربنا يريح بالك ويهدى لك نفسك
اعتقد دة اول تعليق ليا كنت اتمنى يكون فى حال افضل
الظاهر إن أنت بتمر بتجربة شعورية تمتد وتتغلغل بين كريات دمك
وقد أستعنت في فضفضتك بتواشيح جميلة أحييك عليها وعلى جمالها والحرارة التي تعطيها رونقا جميلا
أشكرك كمان أنك سجلتني على مدونتك وطبعا أنا سأعاملك بالمثل وأسجلك على مدونتي
كلماتك حلوه قوى
و مؤثره جدا
ربنا يزيل عنك كل المشاكل
لملم جروحك يا حزين وامشي خطوة كمان وتخف الامك
ماشاء الله فعلا البلوج بتاعك جميل
رغم ان الكلام صعب, لكن جميل أوي انك لما تحس الاحساس ده يكون ردك انك تروح لربنا,وتطلب منه انه يرجعك لنفسك, اطلب انت بس , اطلب وانت واثق انك هتاخد اللي هتطلبه لأنط بتطلبه من الوحيد اللي يقدر يعمل كل حاجه,
نفسك هترجعلك قريب ان شاء الله, بس اوعي تضيعها منك تاني (:
هاى أيمن
من الجميل معرفتى بك اليوم
بعيداً عن أسلوبك الحزين الذى أرى فيه نبرة حزينة يائسة
لكنى أحببته
أشكرك كثيراً
كلنا نسأل الله أن يغفر لنا كل مافات دائماً حتى و نحن نعمل الموبقات
تجد نفسك لا تستطيع التخلى عن أرتباطك بربنا
من لا يشعر بأرتباط الخالق العظيم بحياته هو من يشعر بأن قلبه مات
هذا إن شعر بقلبه
فشعورك بالألم لقلبك يعنى أنك مازلت على صلة بالحياة و بالخالق
لذا
حاول
بجد
و بقوة
و بكثرة
الثورة على مشاعرك الاليمة
و انطلق فى هذا السباق
سباق الحياة
ايمن
ابتهالك الى الله فيه خشوع وايمان
كمله بقى بإنك تاخد خطوة فى اتجاه الخلاص
خلص نفسك واطلع من الشرنقة اللى انت حابس نفسك فيها
وتذكر أن الله لا يغير ما بقوم حتى يغيروا ما بأنفسهم
كلام جميل جدا وطالع من القلب
اللهم إنا نعوذ بك من الهم والحزن .. ونعوذ بك من العجز والكسل .. ونعوذ بك من الجبن والبخل .. ونعوذ بك من غلبة الدين وقهر الرجال .. ومن فتنة المحيا والممات .. آمين
جميلة اوى لحظة الصدق والشفافية دي
والحزن اللي فيها حزن يشبه احزان البحر
ياريت تتخطي حزنك العميق وتوصل للحظة اللي ترجع فيها لنفسك وبرضه تفضل مبدع
good luck
بالرغم اننى اول مرة ازور المدونة بس من اول ما قرأت شعرت بصدق المشاعر والاحاسيس لديك
فما اقوله
عليك ان تخرج من حزنك و تتذكرك ربك فى كل لحظة و فى كل مكان و ربنا معاك ان شاء الله
كلمات قليلة رقيقة معبرة
تحمل الكثير و الكثير من المعانى و الحزن
ربنا معك
و اتمنى لك السلام الداخلي
كريم
أنا أول مرة أزورك بس عارفة اللي انت حاسس بيه
عارفة لما الواحد يتوه جوة نفسة من كتر مابيدور عليها
و يمكن وهو بيدور يشوف فيها اللي ماكانش يحب يشوفه.. وساعتها يحس بالغضب ناحيتها ... و الخجل منخا و الثورة عليها
بس ده مالهوش غير معنى واحد
انك انسان مش قادر تقبل غير الصحيح
وده شيء رائع
كل نخطئ ولكن ليس الكل من يشعر بالخطأ
اعتقد ان التعبيرات معبره جدا عنك
يا راسبوتين
عندك تكليف رسمي باجابة التاج اللي عندي
يللا بقي ورينا شطارتك
في انتظار البوست يا وحش
أول مرةأزور المدونة و فعلا سعيدة بدفئها و بالأحاسيس الفيضة التى تملؤها
ربنا يريح بالك و يهدى نفسك
و قل ربى أشرح لى صدرى و يسر لى أمرى
و أكيد ألى بيلجأ لربنا و يقرب له خطوة ربنا يقرب لة 10 خطوات
ربنا معاك
تحياتى
Post a Comment
Subscribe to Post Comments [Atom]
<< Home