حلم كل يوم
فـــــ حلم كل يوم
فــــ حلم كل يوم بيتجدد الامل وبتتمحى الغيوم
وبيضحك القمر وبصاحب النجوم
فــ حلم كل يوم ساعة ولا الف ساعة
بشوف فيها العجايب
بكلم الحبايب
وبحضن اللى غايب
واقولو ليه بعدنا ده الحب كان فى ايدنا
تيجى نرجع بالزمن ؟؟
فــ حلم كل يوم ساعة ولا الف ساعة
ضاعت فيها الهموم
ورضيت حكم القدر
ضحكت ليالينا فيها وعصافير وقفت تغنى حكايتنا عــ الشجر
ده حلم كل يوم
حلم كل يوم ساعته بألف ساعة من واقع غريب مكتوم
بعيش فيه وحيد بعيد غريب مهموم
وبستنى كل يوم
حلم كل يوم
posted by raspoutine at
9:41 PM
25 Comments:
This comment has been removed by a blog administrator.
سلام عليك يا ايمن
حلم كل يوم
... حلم كل يوم حلم بتمناه كل يوم يبقي حقيقة
بنام و انا بهمس بيه لنفسي يمكن الاقيه في حلمي و بيكون اول حاجة بشوفها بين يقظتي و نومي
حلم كل يوم يا رب يتحقق
حلم كل يوم هو اللي بيديني امل اعيش لليوم التاني
و ان شاء الله الحلم يتحقق
..............
يارب يحققلك احلامك كلها يا ايمن
:)انت تستاهل كل خير
سلام
مها
الله الله عليك
جميييله اوووي
وحصوصا
-----------
فــ حلم كل يوم ساعة ولا الف ساعة
بشوف فيها العجايب
بكلم الحبايب
وبحضن اللى غايب
واقولو ليه بعدنا ده الحب كان فى ايدنا
تيجى نرجع بالزمن ؟؟
----------
جميل اوي اننا نكون قادرين نحلم
والاجمل لو قدرنا نفضل نحلم
ونحلم وحلم
تعرف ان الاجلام بتحافظ علينا وبتضي نور جوانا يقوينا ويخلق دايما امل جوانا
حلو اوووي اننا نفضل ننحلم كل يوم حتى لو ساعه زي كلامك فيها الحبايب واللي غايب
اسعدني البوست اووووي
تسلم الايادي
لو بطلنا نحلم نموت
احنا عايشين عشان نحلم لان لو ماحلمناش يبقا نموت احسن يعنى لا حلم و لا حقيقة
بس تعرف الاحلام جميلة قوى و يا رايت كل واحد يتمسك بحلمة لانة باصرارة هيتحقق فى يوم يمكن
كلماتك جميلة و اسعدنى المرور فى مدونتك الجميلة
و كل سنة و حضرتك طيب
سيدتي سيدى
السلام عليكم ورحمة الله وبركاته
ان شاء الله يوم الثلاثاء القادم 23 - 9 ساقدم عملا جديدا فى مدونتى ، ارجو من الله ان ينال منكم القبول ، فلا تحرموننى الزيارة والنقد والتوجيه
ولكم كل الاحترام والتقدير
I think it was good
But I have a question do you draw from those paintings
I hope if i know the Arabic language
Thank you
nazo
بدون مجامله كلماتك حلوى اوى
بس يارب الحلم ميتاخر عليك....!
تحياتى
كل سنه و انت طيب
ويبقى حلم مجرد حلم
حلم كل يوم ده حلو قوي لو بقي حقيقة هايبقي ايه
ياااااااااه تحياتي
يا رب حلم كل يوم يتحقق
بس لو اتحقق هنبطل نحلم
تحياتي لاسلوبك الشبيه فعلا بالحلم
تحياتي
ياه ده حلم ملح جدا ده اللي ييجي كل يوم
وياه لما بيكون شايل معاني غالية علينا .. ويجي كل يوم!
ده نعمة كبيرة اننا نقدر نحلم و نشوف كل اللي يشفي قوبنا فأحلامنا
يارب يحقق أحلامك و أحلامنا كلنا
حمد الله على السلامة.. كنت مسافر فين
آسفة على غيابي
وكل سنة و انت طيب
واحشاني يا رودي قوي
يارب تكوني بخير
ما هو لازم نحلم
عشان نعرف نعيش
ميرسى لكلماتك البسيطة
و معانيها الكثيرة
اشعارك تعتبر محاولات جيده لنظم الشعر لكن اعتقد ان القافيه محتاجه ضبط اكتر
لكن المعاني جميله
تحياتي
السلام عليكم ورحمة الله وبركاته
اولاً احب اعتذر عن عدم ردى على اصحابى البلوجرية فى البوستات الكتير اللى فاتت
....................
مها
وعليكم السلام ورحمة الله وبركاته ازيك يا مها يا رب تكونى بخير ان شاء الله
انا زيك بالظبط بنام وانا بفكر وبهمس لنفسى بالحلم اللى بتمنى انى اشوفو وبشوفو الحمد لله وبصحى من نومى وانا لسة عايش فيه وبقضى نص يومى وانا متخيل ان الحلم اللى حلمت بيه الليلة اللى فاتت كان حقيقى وبسرعة بفوق من الحلم اللى عاسشه وانا صاحى
ربنا يحققلك انتى كمان كل احلامك يا رب
وربنا يحقق للجميع كل ما يتمنوه مدام خير
بشكرك يا مها
.........................
زمرده
الله الله الله عليكى انتى يا جميلة
فعلاً القدرة على الحلم بما نتمناه ويستحيل علينا تحقيقه الا بمعجزة يعتبر من النعم اللى بشكر ربنا سبحانه وتعالى انعم عليا بيها
بشكرك على التعليق الجميل ده وبتمنالك تحقيق احلامك ان شاء الله
بشكرك
......................
nona
لو بطلنا نحلم نموت
دى اغنية جميلة اوى لمحمد منير
وفعلاً لو بطلنا نحلم نموت
كل سنة وانتى طيبة يا ست الكل
بشكرك
..........................
Beram ElMasry
انا شفت العمل دلوقتى هعلق عليه
شكراً لاشراكى
..............................
nazo
I hope that the good work
and I hope also to learn the Arabic language
thank you.
......................
kafrawy
وانا كمان بتمنى ان الحلمت ما يتأخر عليا
ازيك يا كفراوى اتمنى انك تكون بأسعد حالة ان شاء الله وانا سعيد جداً لتعليقك
بشكرك وكل سنة وانت طيب
..................
Appyplanet
لاء مش مجرد حلم
بشكرك وكل سنة وانتى طيبة
.......................
وومن
حلم كل يوم حلو قوى لو بقى حقيقة هيبقى ايه ؟
اكيد هيبقى حلو قوى قوى جداً
بشكرك وكل سنة وانتى طيبة
.........................
prince4ever
حلم كل يوم لو اتحقق مش هنبطل نحلم
وغيرنا هيصدق ان احلامنا ممكن تتحقق وانها مش مجرد احلام
بشكرك
...........................
هنودة
بنت بحرى بنت اسكندرية
اخيرا انا كدة اطمنت انك بخير بس كانت ليه الغيبة الطويلة دى
على العموم حمدلله على السلامة
انا بقى يا ستى كنت مسافر سلطنة عمان والسودان واليونان واخيرا مصر وراجع تانى ان شاء الله سلطنة عمان بعد العيد بكام يوم
ومتغيبيش تانى
كل سنة وانتى بخير وطيبة وفرحانة
سلام
...........
Selfmeaning
وانا كمان ميرسى لزيارتك وكلماتك الرقيقة
بشكرك
على فكرة مدونتك اكتر منم جميلة بحييكى
...............
ذو النون المصرى
عوداً احمد
وكل سنة وانت طيب
اشعار ايه يا راجل هوا انا بقول اشعار هو الكلام ده اشعار برضو
لاء ده مجرد كلام انا حسيت بيه ولسة حاسس بيه كدة وطلع كدة بالشكل دة بالحروف دى
بدون اى محاولة منى بتنظيمه او ترتيب كلماته وقوافيه
وبقولك ايه هوا يعنى ايه قافية دى
او تكون شتومة
هههههه
صدقنى الكلام طلع كدة
كل سنة وانت طيب
دى أول مره أزور فيه مدونتك
بس عجبتنى جداً
اما بالنسبه للبوست فبجد كلماتك جميله اوووووى
ويارب تحقق كل احلامك وكل سنه وانت طيب
اول مرة ازور البلوج بتاعك
عزيزي لقد تلاعبت بالكلمات وسطرتها بحرفيه
فلك مني جزيل الشكر والامتنان
كلماتك تمتلك القوة في التعبير
وسلاسة في توصيل المعني
جذابة بدرجة كبيرة
تحياتي
واتمني ان اري لقلمك المبدع اثرا في مدونتي المتواضعة
الصيدلي المطحون
والله ليك وحشة...
انا فعلا بقالى فترة مش باجى هنا
بقالى من نص شهر 8 مش جيت هنا
بس انا تعبت من كتر الناس اللى بقيت بسأل عليهم وبدور عليهم وبيختفوا...فالواحد تعب
لقيت افضل طريقة انى مش اسأل على اى حد
حتى القريبين منى...اخلينى من بعيد لبعيد كده عشان وقت ما اتعب يبقى تعب قليل ..:)
كل سنة وانت طيب يا جميل بمناسبة العيد :)
كل سنه وانت طيب عيدك سعيد
كل سنة وانت طيب وعيد سعيد عليك وعلي كل اسرتك يارب
كل سنة وأنت طيب
عيد سعيد عليك
السلام عليكم ورحمة الله
كل سنة وانت بألف خير راسبوتين وياااارب عيد سعيد عليك وعلى كل أهلك وأحبابك تقبل الله منا ومنك
السلام عليكم
كل سنه و انت بالف خير و يا رب عيد سعيد عليك و على كل احبابك و كل امتنا ..
تحياتى و تقديرى لأسلوبك الحالم
اطيب امنياتى
أنا مش عارفة أقولك إيه ؟؟
مدونتك حقيقي مدونة جميلة
عجبني فيها حاجتين
أول حاجةاللوحات المرسومة ف معظم
البوستات حتى فانوس رمضان
جايز لأني بأرسم وبحب الرسم
والصور الكئيبة برضه جميلة
تاني حاجة انك مش بتتقيد بنوع معين من الكتابة وكمان اسلوبك جميل وخصوصا في القصة
عجبني انك بتغير الألوان بشكل غريب
وعجبني ان مدونتك خاصة بيك انت وبالي انت عاوز تقوله والتفاصيل اللي بتأكد انك قاص متميز
كل سنة وانت طيب
وشكرا على زيارتك وتعليقك الي أسعدني
جدا
ومفيش داعي للأسف على الإطالة
خلاص واحدة بواحدة
فاطمة فكار
This comment has been removed by a blog administrator.
Post a Comment
Subscribe to Post Comments [Atom]
<< Home