اجمل يوم فى مصر
من تانى ماشى بس المرة دى بالذات معرفشى انا راجع تانى امتى او هغيب لاد ايه بس بقول يارب
امبارح كان يوم جميل جداً من ايامى كان عقد قران اختى الصغيرة وفرحت جداً لانى كنت جنبها وانى جيت فى الوقت الضايع قبل كتب الكتاب فى مشيخة الازهر بلحظات قليلة جدا عشان اكون انا وكيلها بدل عمى الكبير ايوة ماهو انا اخوها وابوها حضنتنى بقوة لاول مرة فى حياتها تعمل كدة وفى ناس شايفاها وكتبنا الكتاب وفرحنا كلنا وكان
اجمل يوم فى مصر
وتعدى الساعات دقايق ومن تانى بفتح شنطتى عشان ارتب هدومى واستعد للسفر بعد 48 ساعة من وصولى لمصر
كل اللى عايز اقولو دعاء بسيط دايماً بردده
اللهم انى اسألك الصبر فى القضاء
ومنازل الشهداء
وعيش السعداء
والنصر على الاعداء
ومرافقة الانياء
يارب العالمين
امين يا ارحم الراحمين
واشوفكم من تانى على خير
ان شاء الله
سلام
posted by raspoutine at
1:42 PM
10 Comments:
حفظك الله في سفرك
وعدت الينا سالما يا اخي
الحمد لله تعالي
انك وصلت في الوقت
المناسب قبل عقد القران
لاني حاسس بيك فعلاا ومريت
بنفس الظروف اب واخ وربنا يعينك
ويقويك يارب ويخليك دوما لاخواتك
اب واخ بس عارف والله انا سعادتي
لما بشوف انهم مبسوطين
تحياتي
ترجع لنا بالسلامة و زيجه موفقه بإذن الله
الف مبرووووووووووك
عقبال ما تفرح باولادها
وصفك للمناسبة جميل قوي
ربنا يتمم لكم الفرح على طول
الف مليون مبروك وربنا يتمم لها علي خير يارب ويسعدها يارب وحمد لله علي سلامتك وترجع مصر باذن الله وتنورها
لك تحياتنا
الف الف مبروك لأختك وربنا يتمم لها بخير
و تروح وترجع بالسلامه ان شاء الله
و ربنا معاك دايما
الف الف الف مبروك لاختك ربنا يسعدها ويوفقها في حياتها
وربنا يوفقك في سفرك
راسبوتين"
ألف مبروك وربنا يتمم بخير
وانشاء الله ترجع قريب وصفك بيدل على إنك فعلا كنت بتجوز بنتك مش اختك
ربنا يخليكوا لبعض
عذرا لغيابى
تحياتى
محمد فوزى
الف مبروووك وربنا يتمم بخير يااااارب
طمنى سنانك عامله ايه بقى :(
انا دكتورة سنان اى كلام :(
This comment has been removed by a blog administrator.
Post a Comment
Subscribe to Post Comments [Atom]
<< Home