صرخه
كنت زهقان مش عارف اعمل ايه ولو عملت حاجه ببقى مش عارف انا عملت ايه
طب ليه ؟؟
قابلتها وكنت رايح عشان اصرخ قدامها بكل اللى جوايا
كنا شايفين مصر كلها من فوق
ايوة كنا فوق
وقلت احكى واتكلم وافضفض واقول يمكن اعرف انا مالى وعايزايه
سمعتنى وقالتلى ايمن انت حد كويس وطيب اوى
استغربت مكنتش عايز رأيها فيا
وقالت
حب نفسك من اجل ان يحبك الاخرين وعندما تحب نفسك ستعرف كيف تحب الاخرين
سمعتها وسكت بس اكنشفت انى خلاص صرخت وهيا سمعتنى ولقتلى حل لمشكلتى
كل ده واحنا فوق شايفين كل القاهره من فوق
ايوة كنا فوق
واكتشفت بعد نهاية اللقاء انى مش بس اللى صرخت
وهيا كمان صرخت وسمعتها وكنا شايفين كل القاهره من فوق
وايوة كنا فوق
فوق قوى
اشكرك
...............................................
posted by raspoutine at
9:44 PM
88 Comments:
كويس انا اول كومنت
ايه الصراخ ده كله
بس اعتقد لو انت متضايق
وصرخت هترتاح
هل فعلا لو حبيت
نفسك هتحب الاخرين
انا مش عارف
على فكره البوست حلووووووووو
طيب انا كده لازم اتفرج على فيلم الصرخة و اجي اقرا التدوينة تاني
ايوه يا ابني متكتمش في نفسك لازم تصرخ بس اوعي تعلي صوتك علشان الدوشه
:)
بس هي مين دي بقي الي كانت معاك فوق المقطم دي
:)
تحياتي
سلطان الخواطر
اول كومنت اخر كومنت النهم المهم انك عملت كومنت وببقى سعيد اوى وانا بقرأ تعليقاتك
ممكن لو حبيت نفسى اتعلم ازاى احب الناس وبالتالى الناس تعرف ازاى تحبنى لانى بقيت واضح وبظهر لهم مشاعرى الحقيقيه مش حابس نفسى وساكت
كان لازم اصرخ وهيا تصرخ وكلنا لازم لما قلبنا يوجعنا نصرخ مش عشان حسينا بالوجع لاء عشان نطرد الوجع
والضربة مدام موتتنيش يبقى لازم اعرف ازاى اخليها تقوينى
ولا ايه؟
شارم
اتفرج على الفيلم
وابقى تعالى احكهولى
تحياتى يا باشا
عبد الله
فى حالات لازم الواحد ياخد فيها نفسه ويكتم عشان الكلام يترتب
ولا ايه؟
وبعدين ممكن تكون الواحده اللى انا بقول عليها دى واحده من بنات افكارى يا اخى وكنت بفسحها
ومين قال انى كنت فى المقطم
طيب ليه مش البرج
على العموم انا كنت مستريح اوى معاها وبجد عرفت تعرفنى
وتعرفنى بنفسى من جديد
ايمن
خلتنى عيطت
ياسمين
عشان تعرفى انى بحب مصر وبشجع الصناعات الورقيه معاكى مناديل
سيبك من الهزار
انا بجد بشكرك على رقتك المتناهيه دى
تحياتى ليكى
ايه ياعم مين دي و الكلام علي ايه
روق كده امال كله بيطلع في الغسيل
تحياتي
الدبور
فيه راي بيقول عندما تريد ان تصرخ وتعلم العالم كله انك بتحب وتقول بصوت عالي انا بحب فلان ، فاعلم وقتها انك بتحب بجد
الدبور
اولا شكرا للزياره
ثانيا انا مروق اوى اوى
ثالثا وده المهم ايه اللى بيطلع فى الغسيل
احنا كنا بنصرخ مش بنلعب فى الطين
انت فكرتنى بأعلانات مسحوق الغسيل والست نظيفه
والقطنه مبتكدبش
ولا ايه؟؟
وحشتنى يا دكتور
نفسى فى عمليه تخدير تخلى الدماغ صاحى ....ينفع
استاذ شقير
ده كده كتير اوى
وكلامك دايما عامل زى حكاوى اخر الليل
فعلا
بشكرك يا استاذى
ومتنساش معدنا يوم الجمعه دار الاوبرا الساعه السادسه كوفى شوب الابداع بجوار مسرح الهناجر
يابختك ياعم
ادم
مش عايزين نق ابقى تعالى معايا المره الجايه ........ اوكى
انت واثق م الكلام دا ؟
احب اتاكد بس
هههههه
اعتقد ان التدوين في حد ذاته صار يغني عن الصرخه لانه هو صرخه لكنها صرخه لها مردود ايجابي عالي جدا
قصه سهله و قصيره معبره في سرعه
لك تحياتي
ياااه حسيت اني سامع الصرخه
كتير كنت بقول لنفسي لما أكون مخنوقة"ياريت أقدر اروح لمكان أصرخ فيه من غير ماحد يتهمني بالضعف أو الحماقة" كنت حاسة فعلا اني لو عملت كده هرتاح أوى
تتش وود.......انت بقي قدرت تصرخ وكمان كان معاك حد بيشاركك الصرخة
انا قلت "تتش وود"... يعني مش بحسد
ربنا معاك
ادم
يا عم ادم لاء انا مش واثق من الكلام ده
بس اقد اوصفلك المكان
بس نصيحة متروحش لوحدك
اوكى يا عم ادم
ذو النون المصرى
فعلا التدوين عباره عن صرخة مدفونة او كانت مدفونة جوة كل واحد فينا
بس قدرنا نطلعها
ابن ناصر
بجد ؟؟؟؟؟
قصاقيص
بقولك ايه بلا تاتش وود بلا بتاع
انتى شكلك عايزة تصرخى
خلاص اعمل حسابك المرة الجاية
بس متقوليش لادم المصرى
اتفقنا
سلام
كويس انك لقيت حد ومكان تصرخ فيه ناس كتير مش لاقية..الحمد لله..وباذن الله تكون دى اخر صرخة
المهم ان تكون الصرخة مع من يستحق ايا كان بقى ؟؟؟
مش كده ولا ايه
بالنسبة ليوم التجمع التدوينى
للاسف الشديد غالبا مش هابقى فى القاهرة
بس بأذن الله لو فى القاهرة هاحاول اجى ان شاء الله
متشكرة على الدعوة جدا يا ايمن
و مبسوطة انك عرفتنى مدونتك اللى كانت تايه منى بقالها فترة كتير
سعيدة بذوقك جدا
ماشي يا ريس بس مش قلت لنا دي مين و انت كنت بتحبها و رحت المكان ده و التقيتوا علشان تصرح لها بحبك
و لا ايه عاوزين التفاصيل ياباشا
تحياتي
الدبور
من غير ما تاخد راي حد
انت حد كويس فعلا وطيب او وابيض من جواك
وانت عارف اد ايه انا بحبك
بس واد يا ايمن انت كنت فوق فين
اوعي تكون كنت في البرج
سيبها علي الله
وهتفرج
عارف ايه الجميل في الموضوع انك قدرت تصرخ
لان في غيرك مش قادر
بابا حسنى سليمان
انت عارف سهل تلاقى المكان بس مش سهل تلاقى الانسان اللى تصرخ قدامه
ومعتقدش انها ممكن تكون اخر صرخة طول ما احنا عايشين
شيماء
اكيد الصرخة كانت مع من تستحق اكيد تستحق
وخساره انك مش معانا فى يوم اللقاء التالت
وتتعوض المرات الجايه
ان شاء الله
الدبوووووووور
انت كده بتتدخل عش الدبابير وانت لسه دبور صغير
وبرضو مش هقولك
سمراء النيل
اشكرك بجد وانتى عارفة برضو انتى غالية قد ايه عندى
بس مين قال انك مش بتصرخى زيى
ده انا اتعلمت الكلام والبوح بالاسرار منك انتى
ماشي ياعم يا خبر النهارده بفلوس بكرة يبقي ببلاش و الدنيا و الاخرة هتعرف
طيب اقولك ابعتلي ايميل علي ايميل المدونه اصلي انا بيني و بينك فضولي موووت ومش قادر انتظر بكرة
دبور
$$$$ تدفع كام
كويس إنك لقيت مكان تصرخ فيه
وكمان حد يسمع صرختك
غيرك مليان ونفسه يصرخ حتي من غير ما حد يسمعه
تحياتي
البوست حلو قوي
وكلامها صح قوي.. حب نفسك عشان يحبك الآخرين وتحبهم
بس هي سهلة انك ((تحب نفسك؟؟))
أعتقد ان فيه ناس عندهم مشكلة في النقطة ده... انت منهم؟؟
فوق فوق فوق
انت محسسني انك مش من الكوكب ده
انت بتحب و لا ايه يا ايمون
هههههههههههههههه
واحده من بنات افكارك على ما ما
اطلع اقعد على الشازلونج و
احكيليلنا عن التفاصيل
انا قلت بس نطمن على صوتك بعد الليله دي تحياتشي
كتير لما بتصرخ بنطلع شويه من الالم الى جونا
وفعلا ظاهره صحيه جدا
بدل مالواحد يشيل فى نفسه يروح يصرخ
بس فوق
فوق
فوق
ديه تقصد بيها ايه فوق الدنيا
ومشكلها وهموما
ديما الرؤيه من فوق بتكون اوضح
اتمنالك التوفيق
سلام
كويس
الحوار كمان كويس
عارف هبقى ارد عليك فى الصرخة دى فى بوست جاى عندى ان شاء الله
هو الرد المناسب جاهز من زمان
سلام
السلام عليكم.....لقد افتتحت مدونة جديدة.....رجاء الاطلاع عليها و ترك تعليقات حتى أعرف هل أستمر أم لا؟.....أنا لست مدون جديد....و لكنى أغير وجهتى فى الكتابة.....شكرا
فوق
فوق
اكيد فوق السطوح
بص مادام بدات الكلام بانك حد كويس يبقى لازم ناوية تسد نفسك في الاخر
كلامك عن الصرخة المتبادلة حسسني انكم قررتم ترموا رحكم من فوق
صح؟
ياعم انا عاوز اخدمك بس
مش تقلق هوصلها الصرخه
هات انت بس رقم التليفون و انا هظبطلك المسائل
اصل انت ممكن تكون صرخت سيلنت و لا حاجه فهي مش اخدت بالها
انا عاوز اكون واسطه خير وممكن ينوبنا من الحب جانب
هو انتم اللى صحتونى من النوم
!!!!!!!!!
أحيانا الصراخ بيكون شفاء للوجع
ربنا يسعدك ياعم ايمن
واحيانا بيكون الصراخ حل سليم
------
بالنسبة للقاء هو يوم الجمعة 9 يعنى الاسيوع دة
انا هجى ان شاء الله
دة اميلى
toto2213@hotmail.com
ضفنى عندك بسرعة
عشان ارسل لك رقم الموبيل عشان لما اوصل الاوبرا ومعرفتش اجى المكان تيجى تجبنى
انا جى من بنها
ما اتنسى ايمن
تحياتى
ميرسى يا ايمن انك اديتنى الحل انا كمان هاكلمه حالا و هاخليه ياخدنى لفوق عشان اصرخ و ارتاح انا كمان
The Alien
شكرا لزيارتك يا باشا وانت عندك حق فعلا ساعات الواحد بيبقى محتاج حضن حنين يترمى فيه ويبكى ويحكى يمكن يستريح
واكيد لو لقينا الحضن ده اكيد هنستريح
على العموم متتأخرش يوم الجمعه وهناك نكمل موضوع الحضن ده
Hannoda
يعنى مش بوست حلو قوى انا كتبته عادى كده وكنت فاكر ان مفيش حد ممكن يشوفو لانى كنت ساعتها فى حالة جميله
المهم يا ستى انا مش من النوع اللى بيحب نفسه
بس هحاول احب نفسى
اصل مش معنى ان الواحد يحب نفسه انه ينسى الاخرين ويبقى انانى فى تصرفاته
هحاول احب نفسى وابعد عن الانانيه والانانيين
memo
مش عارف يا ميمو حب ده ولا اسمه ايه
ما انا قولتلك قبل كده ما تيجى نتجوز واريحك واريح البشريه كلها واهو ابقى كسبت ثواب انتى اللى اتكبرتى ومردتيش عليا
وعامله دلوقتى دكتوره نفسيه
انتى عارفه حلوة حكايه الشزلونج دى
احنا لما كنا فوق انا وهيا قعدت تقولى فاكر فيلم مطار الحب بتاع فوأد المهندس وعبد المعم مدبولى
لما قعد يقول انا مش قصير قزعه انا طويل واهبل
افتكرنا اللقطه دى وقعدنانضحك اوى
انتى كنتى معانا يا بت
محض روح
ايوة يا دينا فوق الدنيا ومشاكلها وهمومها
برافو عليكى انتى فعلا من مواليد برج الميزان انتى اثبتيلى كده دلوقتى
عين ضيقه
كويس
كويس
هستنى البوست بتاعك الجاى ان شاء الله
بس على فكره البوست بتاعى مفيهوش اى حوار
35L
ربنا يكرمك ويوفقك وان انشاء الله تكتب اللى انت عايز تقولو وملكش دعوة بينا خالص احنا معاك وهنجيلك وهنقول رأينا ولو حلو يبقى كويس ولو رأينا مش حلو متقفلش المدونه
دى مدونه مش جريده رسميه عشان تقفلها
يعنى قول اللى فى نفسك قيل ما يقفلوها فى مصر كمان
Sampateek
شكرا للتعليق اللى يموت من الضحك ده
انا مش عارف امسك نفسى
المدونه كلها بتضحك واخدة بالك
حلوة سطوح دى
الدبور
يا عم اخدم نفسك بدل ما انت عمال تحب على نفسك والله انا خايف على عليك اوى
خالى بالك وانتى جاى اصل الطريق طويل من الاسماعيلبه لغايه الاوبرا
يعنى ابقى هات معاك كام مجله ميكى على علاء الدين لزوم التسليه واوعى ترميهم عشان هاخدهم منك اصل بحبهم اوى
وبطل زززززن بقى
نبيذ
هوا انت صاحب الكشك بتاع السجاير اللى صحيناه واسمك نبيذ
طيب عارف لو كنت اعرف انك كده
كنت خليت السهره عندك
مكسوفه
اكيد ساعات بيبقى شفى للوجع وساعات بيبقى الصراخ وجع من اجل الشفا
شكرا لزيارتك
ما تيجى معانا الاوبرا يا مكسوفه احنا عاملين اللقاء التالت هناك يوم الجمعه الجايه
تامر
انت تشرف وتنور وانا ضيفتك عندى وبعتلك ارقام تليفوناتى كلها
لو عوزت اى حاجه كلمنى
هستناك يا صاحبى
دى الاوبرا نورت
bagabigo
العفو على ايه
وبعدين الحقى بقى لحسن ساعه الحظ متتعوضش
عايز تصرخ ومش لاقى كلام يعبر عن اللى جواك
بس عارف جميل انك تلاقى حد يسمع لك ويتجاوب معاك
صديق كان او قريب او حبيب
المهم انه موجود فى حياتك
لان يا صديقى اسوأ شئ فى الوجود هو انك تبقى عايز تصرخ وصوتك مش طالع ومحدش بيسمع لك
تحياتى
شيكو
شكرا لزياراتك ومتبعتك ليا
بوست....مية مية يا معلم
بجد أسلوبك جميل جدا فى الكتابة..بيدخل فى القلب...بيتحس..المرة الجاية خدها الأزهر بارك علشان شكلك بتخاف من الارتفاعات....قاعد تكرر كنا فوق....كنا فوق......فى اية يا عم....سلام يا مان
الحوار مع نفسك يا باشا
تحياتى
عين ضيقه
الحوار مع نفسى
ايوة ممكن
بس انتى عارفه ان الحوار مع نفسى مخدش كتير يعنى
بس عارفه انا فرحان اوى لمتابعتك اللذيذه دى وبشكرك اوى
ويا ريت متكونش اخر زياره
تحياتى ليكى وشكرا للفت انتباهى
35L
انت قلتلى انك مدون قديم
طيب مدونتك القديمه كان اسمها ايه
عشان بيتهيألى اسلوبك ده مش غريب عليا
على العموم هفكر فى موضوع الازهر ده
لا مش تخاف عليا خاف علي نفسك انت
انا قادر احمي نفسي و احميك كمان يلا فوق البيعه
وان شاء الله ماحد حوش
هههههههههههه
الدبور
ميرسى لذوقك يا فندم
لكن نحن قادرين على حمايه انفسنا من اى عدوان غاشم ومن اى هجوم جو جو او ارض ارض من اى دبور
وشكرا
وعلى فكره انا لقتلك نحله بنت حلال بنت اخت دبور صاحبنا
ها قلت ايه اكلم الراجل ولا استنى لما تيجى انت وتفاتحه
انا قلت اشوفلك اى حل بدل ما تحب على نفسك كده وتبهدل الهدوم
هههههههه
سلام يا باشا والله انت راجل زى العسل
يلا عقبالنا مانصرخ كلنا ونلاقي حد يسمع صراخناو يقولنا انت حد كويس وطيب اوي
ويلاقي حل لمشاكلنا
ده مش نق والله
:D
بس اصلك حد جميل اوي ويستاهل
نضال
انا حد جميل وكويس
بصى بقى انا حساس من ناحيه الكلام ده
وبجد بشكرك اوى عليه
ومقولتيليش هتيجى معانا الاوبرا عشان اللقاء ولا لاء
اعتقد انى بعتلك دعوة النهاردهاو امبارح او من كام يوم
مش فاكر
بس المهم انتى لازم تبقى من الحضور اوكى
مفتكرش انك تعرفنى قبل كدة.....بس أنا أتشرف بمعرفتك يا بااااااشا
bicapoo2@hotmail.com
35L
على العموم اهل بيك صديق للراسبوتين
اميلى فى الروفايل بتاعى
ايمن باشا
مع انى مش بحب ظباط البوليس
انما يلا
انت عارف الالمان لما يكونوا عايزين يفرغوا شحنه غضب او حاجه مكتومه بيعملوا الحل ده
بيروحوا لطريق سريع وفاضى مهجور ويفضلوا يصرخوا ويزعقوا بصوت عالى
لحد مايتعبوا من الصراخ
الأمريكان بقى اذا كانوا اغنياء قوى يعنى
بيروحوا راكبين منطاد -بالون- ويطيروا فى الهواء يمكن الجو بينعشهم ولما يشوفوا الارض من بعيد ينسوا همومهم شويه
يلا خير
سلام
ومين قالك بقى انى ظابط بوليس ؟؟؟؟؟؟؟
حسيت قوي بالكلام ده..بتحصلنا كلنا..بس ساعات كتير مبلقاش حد اصرخله
بوست هايل يا ايمن
تحياتي
والله يابنى لو مش ظابط بوليس يبقى أحسن
:)
الجو هناك فعلاا كده
-----------------
ياريتنى كنت معاهم..يا ريتنى كنت معاهم...........مدونه جميله اوى بجد
حاسبوا تقعوا طيب
يعنى لازم تصرخوا فوق
انا دوخت ياعم انزل صرخ تحت
frozen
شكرا يا جميل على التعليق الجميل ده وفعلا الواحد فينا محتاج لحد يكون جانبه بأستمرار مش لازم حبيب ممكن صديق
حسن محمود
هوا مرة تقولى يا باشا ومرة تقولى يابنى ولا عشان قولتلك انى مش ظابط
طيب انا ظابط وعارفك شايفك وهاجيبك
هههههههههههههه
تحياتى يا باشا
camera
يا ريتك كنتى معانا فعلا
اميره ويلز
متخافيش ما يقع الا الشاطر
و
اللى بيحب
باااااااشا
وسيدى البشوااات كمان
على كل حال انا عامل حسابى
الباسبور لايزال فى جيبى
والتذكره فى ايدى اليمين والشنطه فى ايدى الشمال
شفت اكتر من كده استعداد
ياابنى انا بهزر معاك
هو بس علشان أول مره أعلق عندك بس
فلازم اقلك ياباشا
عموما ياسيدى ظابط ولا مش ظابط مش مهم .انت دمك خفيف فعلا
وبعدين مالهم الظباط؟ ايه يعنى 99.99% منهم وحشين لسه فيه 00.01% كويسين
هيييييييييييه
يلا خير
دمت بخير
سلام
حسن محمود
طيب بقولك ايه بقى
انا عايز اشزفك
وياريت تيجلنا يوم الجمعه عشان انت شكلك كده راجل زى الفل وبعدين ياعم ارمى الباسبور هوا فى احسن من مصر وحلاوة مصر وناس مصر وظباط مصر
اسمع سلام على طول لظباط مصر
........ بجد شوف روفك ايه وتعالى انا كاتب البوست الاخير وفيه التفاصبل كلها وخد ايميلى كمان اهو
yamen_4@msn.com
سلام
كلام جميل جدا يا أيمن
وجميل أيضا أن نعرف من يعرف من بداخلنا ويصرخ معنا حتى يوفر علينا تعب إفهام الآخرين ما بداخلنا
انت الظاهر عديتني بقيت أتكمل كلام غريب أنا كمان
كلامك جميل مع انو عميق سوية على واحدة لسة جديدة على الحياة زيي
تحياتي
شهيدة
سعيد جدا بوجودك هنا
مع انى مقصر معاكى فى الزيارات بس اوعدك انى هاكون ضيف مستمر عندك
وعلى فكرة كلامى مش عميق ولا حاجه بس كل الحكايه انى بكتب اللى جوايا بعد مابشوفو بس ببعد اخر ممكن يكون بعد تالت او رابع اهو بعد وخلاص عشان كده ممكن تحسيه عميق او سهل اوى اوى اوى للدرجه اللى تدى لنفسك فيه حريه التخيل
المهم انك طلعت اللى جواك وارتحت...
مش اى حد بيقدر يخرج اللى جواه
الكبت وحش يا ايمن كويس انك صرخت
لحد ما ارتحت بس قول المكان ده فين
يمكن نحب نروح نصرخ شويه
:)
تحياتى
هل تعرف أن الصراخ نوع من أنواع التشفى
الشاهد الصراخ مش عاجبنى
سعيد جدا أنى قابلتك
هل تعرف أن الصراخ نوع من أنواع التشفى
سعيد بأنى قابلتك
بعدك على بالى
ياه انتى فين بقالك كتير
وحشنى كلامك اوى
وانا متشكر انك اخير افتكرتى ايمن
ياقوت
هى التشفى دى زى الشفا ولا التظاهر بالشفا
على العموم انا شايف ان الصراخ عباره جملة اعتراضيه لمجموعة مواقف بنمر بيها فى فترة معينه وبتتخزن جوانا من غير ما نحس
نورتنا يا ياقوت
كنا عايزين نعرف رأيك فى اللقاء
Post a Comment
Subscribe to Post Comments [Atom]
<< Home