يااااه
اسماء
كان عندها سبع سنين
عرفتها اثناء توجهنا للتبرع بالدم لمعهد الاورام القصر العينى قسم الاطفال
سمراء اللون شعرها طويل ومنكوش
اخف دم شفتو فى حياتى
بتفكرنى بالبنت السمرا اللى فى اغنيه كاظم الساهر اللى طالع فيها سواق مدرسة وبيفسحهم اظن ان اسم الاغنية دلع
الكلام ده من حوالى شهرين كان يوم خميس
خدو الدم منى ومن يحيى صاحبى
وطلعنا الدور الخامس
وانا داخل الدور سمعت صوت بنت بتضحك اوى لدرجة ان كل الموجودين ضحكو على طريقة وجمال ضحكتها
عينى عمالة تدور على مصدر الضحكة
ولقيتها
البنت السمرا اللى كانت بتهزر مع الممرضه والممرضه عمالة تزغزها
وعرفنا بعد كدة ان ده اول يوم ليها فى المستشفى والمفروض ان مامتها تسيبها وتروح
وقبل ما نسمعها بتضحك كده كانت بتعيط ومش عايزة مامتها تروح وكانت خايفة ومرعوبه وعشان كده الممرضه قعدت تهزر معاها وتضحكها عشان تكسر الخوف جواها وفعلا ضحكت اسماء واحنا سمعنا احلى ضحكة فى حياتنا
الله يرحمها
عرفت من يحيى ان اسماء توفت يوم الخميس اللى فات
لسه سامع صوت ضحكتها
posted by raspoutine at
7:54 PM
64 Comments:
ايمن
انت ما تتصورش قد ايه القصة دى اثرت فيا
بجد كلامك ووصفك للاحداث عيشنا الحلم معاها وكاننا كنا معاك
البقاء لله
ويااااااااااااااااااااااااااااارب
اشفى كل المرضى يارب
على فكرة بالنسبة للبوست انا مش فاضى انى اظبته زى المرة اللى فاتت واحسن كمان بس اول ما هفضى هعمله
والسلام..........
انت فعلا انسان حساس يا ايمن والبقاء لله انا فعلا عيط لما قريت البوست ربنا يشفى اطفالنا ويرحمنا جميعاً
فكرتني بنفس الموضوع كان برده بنت اسمها حسناء
كانت عينيها واسعة وخمرية
لسة في اولى ابتدائي
وكانت زيارة لمعهد الأورام
برده كتبت عنها بس معرفش مصيرها ايه دلوقتي
فاكرة نظرتها البريئة وهيا بتقول اذ ايه هيا بتحب الرسم وهترسم ناس وزرع في الكراسة اللي جبنهالها
لسة جواها حلم بسيط
بس للأسف مش عارفة عنها حاجة
مع اني بقالي فترة نفسي ازورها
وهيا بس مش عارفة ليه مع ان فيه اطفال يصعبوا عليك
بس ديه اكترهم علقت معايا
بس يارب متكنش حصلها حاجة وحشة
وربنا يرحمهم بجد ويشفيهم
احنا مش حاسيين ان احنا في نعمة
ولا يمكن هما اللي في نعمة لأنهم راحوا للأحن عليهم منا
يلا ربنا يغفرلنا ويخفف عنهم
تحياتي ياأيمن
الله يرحمها....ماهو أي حد نضيف وطاهر في البلد دي بيعاني مصيره الجملة دي لو كانت واحد من اللي لاهفين البلد ولا بنت أي كلب منهم مكان زمانها اتعالجت في احسن حتت
لو مكنش ده حالنا
ربنا يرحمها ويرحمنا أو ياخدنا
ياخدنا بس نبقي معاها وسامعين ضحكتها اللي سمعتها رغم ان معرفتي بيها متتجاوزش كام سطر انت كاتبهم
يالا هنقول إيه
أدينا عايشين نضحك ونعيط
نشجب وندين
نحس ونتعاطف
لكن مع الأسف مافيش في ايدنا حاجة
ربنا يرحمك ياأسماء
ربنا يرحمها
واكيد يا ايمن ربنا ليه رحمه فى كده
وديه مامتنش ادام لسه فكرنها الى بيموتو هما الى بننساهم وديه طول ماحنا فكرنها عمرها ماهتموت على الاقل فى قلوبنا
ربنا يرحم موتنا وموته المسلمين جميعا
ويرحمنا معاهم
رحمها الله
و ربنا يصبر اهلها جميعا
و الله ذكرتى بأياما كنت اتمنى ان احاول ان ان انساها فى يوما من الايام و لكن ظلت محفورة فى قلبى و لا اعلم الى متى سوف تظل هكذا فعلى ما أعتقد اننى سوف احتفظ بها حتى ياتى اليوم الذى نذهب جميعا فيه اليهم
و سوف نعلم وقتها كم هم سعداء فى دنياهم الجديدة الذين لا يعرفون فيها كذبا او نفاق وتصبح الاحلام الجميلة فيها حقيقة
البقاء لله ... الله يرحمها ويصبر أبوها و أمها
أثرت فيّ جدا .. وبالذات بعد ما اتعلقت بضحكتها من وصفك ليها.. كنت متوقعة إني حاقرى موقف ما عملته
الله يرحمها
الله يرحمها,,,,,,عامه انا مبئتش اتأثر بالموت اوي عشان كل يوم بشوفه في المستشفى..... و ياما شوفت عيال ماتت و كانوا يقطعوا القلب من كتر ما كانت قصصهم تحزن......خد عندك و انا في امتياز في مستشفى الدمرداش كان في و لد عندوا انيميا البحر المتوسط و يتيم و الجران جابوه و سابوه في المستشفى و محدش كان بيسأل عليه خالص الممرضه تعلقله الدم و يقعد من سكات و كل العيال معاهم اماهتهم و كانوا سايبنه في المستشفى عشان مفيش حتى اصلا يروحها و ملوش في الدنيا غير ربناو مره واحده كده جيت الصبح انا و صحابي و جايبنله يسكويت و شيكولاته لقيته مات لكن في حاجه لفتت نظري في قصتك هي بصراحه حاجه تضحك قال ايه الممرضه بتزغزغها انا افتكرتك بتقول بتزغدها طب كويس لسه في ممرضات عندهم شويه رحمه و بيدلعوا العيال ده كويس انها مسممتهاش و لا اديتها حقنه غلط .....
البقاء لله .. ربنا يصبر اهلها.. حاسه بامها والله قد ايه افتقاد ابن او ابنه صعب وبيدبح الام والاب بس الام اكتر...
كتابه جميله.. قدرت تسمعنا احنا كمان ضحكتها..
تحياتى
سلام عليكيا ايمن
حاولت و انا بقرا الموضوع من اوله اني افكر ازاي تكون ضحكة اسماء و حطيت صوت معين في بالي و بدات اسمعه فعلا و ابتسمت ...بس ملحقتش افرح لاني متخيلتش تكون دي النهاية
الله يرحمها ربنا يصبر اهلها
سلام
مها
This comment has been removed by the author.
ازيك ايمن اخبارك اية
دة حال الدنيا ربنا يرحمها
يارب
اثرت فيا جداا
موضوع جامد جدا يا أيمن
أدعوكم جميعا للمشاركة فى البلوج بتاعى...موضوع مهم بدأت فيه....و أحتاجكم معى
ايمن
ليه بس توجع قلوبنا كدة
ربنا يرحمها
ربما كان الكلام اكثر صعوبة على أم
هتخلينى اروح اصحيهم وافضل ابوس فيهم
بجد مش عارفه اقولك
ايه
مش عندى اى كلمات تتقال
الله يرحمها
بجد مش قادره اوصف احساسى
اتصدمت صدمه غريبه بالرغم من انى كنت متوقعه النهايه
بس ما كنتش متوقعه الكلمات اللى قريتها دى نهائى
ربنا يصبر اهلها
دى ملاك و رجع لمكانه تانى فى السما
المهم انها سابتلك سوفنير ضغنطوط
ضحكتها اللى فى ودنك
حاول بعد كده لما تفتكرها
ماتعيطش
ابتسم
عشان اكيد
اكيد
هى سعيدة دلوقتى
غريبة هذه الحياة
اشخاص لا تعرفهم وتقابلهم وربما لا يكون بينكم كلام
ممكن ابتسامة تغير لك حياتك ما بالك ان رأيت ملاك صغير يضحك وسط الالم والخوف
ربنا يرحمها ويصبر كل الي بيحبوها
واكيد هي لسه بتضحك
ولسه نقدر نسمع ضحكتها
يا رقيق القلب
لا نملك سوى الدعاء لها ولاهلها
This comment has been removed by the author.
البقاء لله
ساعات الواحد بيتصور ان الأطفال كائنات ضد الموت ..لكن الزمن بيورينا ان كلنا لها
الله يرحمها
************
سعيدة قوي اني شفتك في اللقاء
اصعب حاجة على القلب واكتر حزن يمس الواحد ويخليه يبكى هو الم الاطفال
مرضهم وحزنهم وهما فى عمر الزهور بكيتنى ياايمن
الله يرحمها
القصاص لأسرانا الشهداء رجاء التوقيع وارسال الرسائل
شيء مؤسف ان تري انسان تنبض روحه بالحياه ثم فجاه تري انه يحمل في جسمه الحي اسباب الموت
ثم يموت بلا اي وداع او ازعاج
هكذا تختفي صاحبة اجمل ضحكه رايتها و كانها لم تكن موجوده
كان الله في عون اهلها
تعرف ..ان اؤمن بان كل انسان يولد لهدف محدد في الحياة...
اعتقد ان ضحكتها دي هي الهدف اللي من اجله خلقت-و الله اعلم-
خلقت لتشع نورا طاهرا في اخر ايام لها في دنيا الظلام التي نعيشها
البقاء لله
العفو يا ايمن على اية انت تامر .. دي مش حاجة يعني .. واتمنى نشوفك تاني
الله يرحمها و عدتنى بلقاء فى يوم مش جمعة متنسانيش لا جمعة و لا خميس اى يوم تانى يعجبكم
والله انا فعلا موش ناقصه
دموعي نزلت دلوقتي خصوصا لما كنت بأقرأ البوست وأفتكرت اسير مصري طالع يقول انهم في حرب 67م و73م كانوا بيخدوا منهم دم علشان يفضلوا موطين راسهم وعلي طول منهكي القوة
ولم سمعت اسير تاني بيتكلم هلي انهم كانوا بفتحوا جزء من الساعد ويسيل منه الدم ويحقنوهم بماده وبعد كه اكتشفوا اصابتهم بفيروس سي
و ياخدو اعضاءهم
ياااااه يامصر
ياام الصابرين يابلدي
ربنا يرحمها برحمته و يشفى الاطفال و المسلمين جميعا
احزنتنى اوى لانى كل سنة بيجيبوا عربية التبرع بالدم و بيرفضوا ياخدوا منى دم كنت بزعل اوى لانى مليش الشرف انى اساعد الناس دى
ربنا يرحمها و يشفى الجميع
اصعب حاجه انك تشوف طفل بيتألم
و الأصعب انك تشوفه بيموت
الله يرحمها
ايمن
و انا بقراء القصة فضلت افكر كام بنت صغيرة زى اسماء ممكن تموت لو مفيش واحد زيك راح يتبرع بدمه علشان ينقذهم كام بنت صغيرة حتموت لو مزودناش عدد المستشفيات وكبرنها
بجد القصة اثرت فيا جدا و انشالله انا ناوى اقترح عمل حمله للتبرع بالدم
ربنا يرحمها
سامحينا يا اسماء فى مسئوليه علينا كلنا
ياااااااااه
الله يرحمها و يرحم موتى المسلمين
فقط
رحمها الله وغفر لها
عزيزي
ايمن
كم كنت ان ازورك في وقت غير وقتك هزا
لكن شاءت الاقدار
سمعت عنك كثيرا عن ايمن فاروق
راسبوتين
اتمني ان اكون ممن تشرفهم بزيارتك
ولك مني التحيه و الاماني بالصبر و السلوان
Allah yer7amha wer7amna game3an yarab.
راسبوتين
وحشتنى جدا
انا مش هقولك غير حاجة واحدة
ان الله استرد وديعته
صديقى العزيز ايمن احنا مفروض نفرح ليها لانها ضمنت الجنة لكن احنا عايشيين ومش عارفين هندخل الجنة ولا لا لكن هيا ضمنت اهم حاجة احنا عايشيين ليها وهيا دخول الجنة
وبصراحة انت مشاعرك رقيقة جدا وانا مبسوط انى عرفتك والله
ايمن
مش عارف بصراحه اقولك ايه
لكن هي الحياه كدا
ما حدش فينا بيختار نصيبه
علينا احنا التعامل مع معطيات الحياه زي ماهية
صدقني
ملحجش كان يقدر يعمل للبنت دي حاجة
البنت دي كانت جرس تنبيه ليك
وانت تنبهت
وجاي تنبهنا
كل واحد له دور ووظيفه محسوبة في الحياه دي
تحياتي ليك
هذا عمل جيد جدا ، شكرا
ايمن
اولا ربنا يرحمها ويصبر مامتها
انا اكتر حاجة بتأثر فيا الاطفال وخصوصا دموعهم اما ضحكتهم دى دنيا تانيه
حاول كدا تكون مهموم وشوف طفل بيضحك وقولى هاتحس بايه
أيمن
صعب أوي ربنا يصبر أهلها
آمل متابعة موضوع الأقصى علي مدونتي
توجد أخبار سعيدة
أشكرك
الله يرحمها ويصبر أهلها
الله يرحمنا مش يرحمها هيا
bgd msh 3rfa a2ol eh ana dam3t 3nya .. 3al bnt ,, 7abetaha aknha s7bty mn kalamak 3nha fel setor el 2olyela de ekhtsrt feha kol bara2etaha w weshaha el mala2ky .. ely ana tkhylto mn kalamak ..
el baqa2 lelah.. rabna ysbar ahlaha ..
الله يرحمها و يغفر لها
و نلقاها في الجنة من ضمن اللؤلؤ المنثور ان شاء الله
:(
قد ايه احساسك عالي
وقد ايه بالعن كل واحد ساهم في كمية الفساد و الدمار و الخراب اللي جيه اليوم مصر ولادها بيموتوا كدة
اه من اللي بيحصل
و حيحصل
حقك علينا يا اسماء
ربنا يرحمنا
أسماء
يظهر انها هتكون ضحكتك ووجعك
ربنا يرحمها ويرحمنا
والبقاء لله
ياااااه حصل معايا الموضوع ده كنت بتدرب و انا في الكليه في قسم الحروق القصر العيني و كان في ام و بناتها الاتنين في حاله حرق سيئه اتجهت الي الابنه الصغره و بدأت في معالجتها وببرائتها علقتني بها و كانت احلي حاجه في اليوم ده هي نطقها لاسمي بحب بالرغم من ان كلامها قليل و وعدتها بأن اشتري لها حلويات في المره القادمه و جاءت المره القادمه و انا احلم بلقاءها مره ثانيه ولكن .... الله يرحمهم جميعا ان شاء الله و البقاء لله وحده عز و جل
مؤلمة اوى
الباقيه فى حياتك يا صديقى
و منجيلكش فى حاجه وحشه
اهم هما دايما الى بيعزوا بيقولوا كده
لكن انا بقول شئ تانى بقووووول انه يابختها و عقبالنا كلنا لما نكون فى نفس المكان الجميل الى هيه فيه و اكيد ان ضحكتها دلوقتى ماليه الدنيا كلها و علشان كده انت لسه سامعها
ربنا يرحمها و يرحمنا و يوصلنا لاجمل مكان بجانبها لان اكيد احسن مكان فى السما محجوز لهؤلاء الاطفال ببرائتهم و كمان لليقدروا برغم كبر سنهم انهم يوصلوا لبرأه الاطفال و يقفلوا الدايره من جديد
تحياتى يا صديقى العزيز و صدقنى من كتر احساسك فى البوست انا برضه سمعت ضحكه اسماء و بالاماره كمان ضحكتها حلووووه اوى
البوست ده انا بحاول اتماسك عشان ارد عليه
قد ايه حزنت عليها كأنى انا كمان شايفاها وسامعه ضحكتها
الله يرحمها اسماء ويرحم مواتنا جميعا
ويشفى من ابتلى بهذا المرض اللعين
اشكرك يا ايمن
الموت ملوش كبير
يا بختها هتدخل الجنة ربنا يكتهلنا كلنا يا رب
قصه مؤثره قوى انت فعلا انسان حساس وجميل مش اى حد ممكن ياخد باله زيك من الحجات دى
بجد حكاية توجع
بس فيها امل
وهو موضوع التبرع بالدم ده
تفكر ممكن كام طفلة زيها ممكن يكون ليهم فرصه لو وجدوا العلاج
بجد قصة اثرت فيا اوي
وعيشتني فعلا في احداثها
This comment has been removed by the author.
شكرا للجميع بس لازم نفكر فى حكمة ربنا سبحانه وتعالى من القصة دى ومش عايزين نكتفى بأننا نبكى ونترحم احنا لينا دور فى الحياة دى لازم نأديه عشان ربنا هيسألنا عملنا ايه لكل الناس اللى اتعذبو من المرض مش عايزين نقف قدام ربنا سبحانه وتعالى ومعندناش كلام نقولو لازم نعمل اللى علينا لازم
yaah 3la waga3 el 2alb:(
bas heya 2irta7et
bas zay manta 2olt lazim yeb2alna door fitakhfef el 3azab 3an kol 7ad beyet2alem
أيمن
عجزت حروفى عن التعبير عنك كإنسان يتمتع بهذة الرحمة والحب لمن حولة فلذلك الصمت أبلغ فى تقديرك
أحييك فعلا وأضم صوتى الى صوتك بأن لانكتفى بالقول بلا فعل عملى حقيقى
وكفنا غفلة وبعد عن أشياء صغيرة ربما لاتكلفنا الكثير ولكنها أكيد تمنحنا الكثير
تحياتى
سبحان الله
بس هي في الجنة إن شاء الله من الولدان المخلدون
فكرتني بيوم رحت انا و اختي مستشفي عشان نتبرع بدمنا لست سمعنا انها تعبانة و حالتها خطيرة شوية
رحنا المستشفي و قلنا نطمن ان الست محتاجة الدم فعلا،سألنا ممرضة كبيرة في السن بس طيبة جددددددددا عن الست و عرفنا انها قعيدة من كذا سنة و جلها قرح فراش و كده
و رحنا نبس عليها من علي الباب كده لقينا واحدة ثابتة أووووووي و فاتحة الراديو و هزرت مع الممرضة شوية و بعد كده مشينا
بس للأسف يومها انا و أختي متبرعناش عشان ضغطنا كان واطي
الى جنة الخلد يا أسماء
الله يرحمها
دمي من عيني يبكي
سلااااام
الله يرحمها ويصبر اهلها ويسكنها فسيح جناته
عارف ، انت أرجعتني للأيام التي كنت أزور فيهاابنة بنت خالتي ذات الخمس سنوات في معهد الأورام حيث كانت تعالج من المرض الخبيث،لقد ذكرتني بالأطفال الائي رأيتهم هناك ولكل طفل حكاية تدمي القلب
اللهم الطف بهم جميعا واشفي كل مريض وخفف عنا ولا تحملنا مالا طاقة لنا به
ربنا يرحمها ويرحمنا جميعا يارب
الله يرحمها
يا رب وارحمنا
رحمت لله عليها تمنيت لو لم تكتب السطر الاخير
مع إن التعليقات هنا _ على الموضوع ده _ كتيرة أوي
بس حبيت اقولك إني حبيت أسماء أوي وعرفت أشوفها بعنيك
بجد طول ما هي موجودة في قلب حد بيحبها مش هتموت أبداً
الله يرحمها
Eric Matt
Post a Comment
Subscribe to Post Comments [Atom]
<< Home