2007-03-11

يااااه

اسماء
كان عندها سبع سنين
عرفتها اثناء توجهنا للتبرع بالدم لمعهد الاورام القصر العينى قسم الاطفال
سمراء اللون شعرها طويل ومنكوش
اخف دم شفتو فى حياتى
بتفكرنى بالبنت السمرا اللى فى اغنيه كاظم الساهر اللى طالع فيها سواق مدرسة وبيفسحهم اظن ان اسم الاغنية دلع
الكلام ده من حوالى شهرين كان يوم خميس
خدو الدم منى ومن يحيى صاحبى
وطلعنا الدور الخامس
وانا داخل الدور سمعت صوت بنت بتضحك اوى لدرجة ان كل الموجودين ضحكو على طريقة وجمال ضحكتها
عينى عمالة تدور على مصدر الضحكة
ولقيتها
البنت السمرا اللى كانت بتهزر مع الممرضه والممرضه عمالة تزغزها
وعرفنا بعد كدة ان ده اول يوم ليها فى المستشفى والمفروض ان مامتها تسيبها وتروح
وقبل ما نسمعها بتضحك كده كانت بتعيط ومش عايزة مامتها تروح وكانت خايفة ومرعوبه وعشان كده الممرضه قعدت تهزر معاها وتضحكها عشان تكسر الخوف جواها وفعلا ضحكت اسماء واحنا سمعنا احلى ضحكة فى حياتنا
الله يرحمها
عرفت من يحيى ان اسماء توفت يوم الخميس اللى فات
لسه سامع صوت ضحكتها

65 Comments:

Blogger The Eagles said...

ايمن
انت ما تتصورش قد ايه القصة دى اثرت فيا
بجد كلامك ووصفك للاحداث عيشنا الحلم معاها وكاننا كنا معاك
البقاء لله
ويااااااااااااااااااااااااااااارب
اشفى كل المرضى يارب
على فكرة بالنسبة للبوست انا مش فاضى انى اظبته زى المرة اللى فاتت واحسن كمان بس اول ما هفضى هعمله


والسلام..........

March 11, 2007 at 11:51:00 PM GMT+2  
Blogger MoHaMeD HoSSaM said...

انت فعلا انسان حساس يا ايمن والبقاء لله انا فعلا عيط لما قريت البوست ربنا يشفى اطفالنا ويرحمنا جميعاً

March 12, 2007 at 12:57:00 AM GMT+2  
Blogger نهى جمـال said...

فكرتني بنفس الموضوع كان برده بنت اسمها حسناء

كانت عينيها واسعة وخمرية

لسة في اولى ابتدائي

وكانت زيارة لمعهد الأورام

برده كتبت عنها بس معرفش مصيرها ايه دلوقتي

فاكرة نظرتها البريئة وهيا بتقول اذ ايه هيا بتحب الرسم وهترسم ناس وزرع في الكراسة اللي جبنهالها

لسة جواها حلم بسيط

بس للأسف مش عارفة عنها حاجة

مع اني بقالي فترة نفسي ازورها

وهيا بس مش عارفة ليه مع ان فيه اطفال يصعبوا عليك

بس ديه اكترهم علقت معايا

بس يارب متكنش حصلها حاجة وحشة

وربنا يرحمهم بجد ويشفيهم

احنا مش حاسيين ان احنا في نعمة

ولا يمكن هما اللي في نعمة لأنهم راحوا للأحن عليهم منا

يلا ربنا يغفرلنا ويخفف عنهم

تحياتي ياأيمن

March 12, 2007 at 1:27:00 AM GMT+2  
Blogger دكتور مستكنيس said...

الله يرحمها....ماهو أي حد نضيف وطاهر في البلد دي بيعاني مصيره الجملة دي لو كانت واحد من اللي لاهفين البلد ولا بنت أي كلب منهم مكان زمانها اتعالجت في احسن حتت
لو مكنش ده حالنا
ربنا يرحمها ويرحمنا أو ياخدنا
ياخدنا بس نبقي معاها وسامعين ضحكتها اللي سمعتها رغم ان معرفتي بيها متتجاوزش كام سطر انت كاتبهم
يالا هنقول إيه
أدينا عايشين نضحك ونعيط
نشجب وندين
نحس ونتعاطف
لكن مع الأسف مافيش في ايدنا حاجة
ربنا يرحمك ياأسماء

March 12, 2007 at 1:46:00 AM GMT+2  
Blogger محض روح said...

ربنا يرحمها
واكيد يا ايمن ربنا ليه رحمه فى كده
وديه مامتنش ادام لسه فكرنها الى بيموتو هما الى بننساهم وديه طول ماحنا فكرنها عمرها ماهتموت على الاقل فى قلوبنا
ربنا يرحم موتنا وموته المسلمين جميعا
ويرحمنا معاهم

March 12, 2007 at 3:35:00 AM GMT+2  
Blogger pegasuselmasry said...

رحمها الله
و ربنا يصبر اهلها جميعا

و الله ذكرتى بأياما كنت اتمنى ان احاول ان ان انساها فى يوما من الايام و لكن ظلت محفورة فى قلبى و لا اعلم الى متى سوف تظل هكذا فعلى ما أعتقد اننى سوف احتفظ بها حتى ياتى اليوم الذى نذهب جميعا فيه اليهم
و سوف نعلم وقتها كم هم سعداء فى دنياهم الجديدة الذين لا يعرفون فيها كذبا او نفاق وتصبح الاحلام الجميلة فيها حقيقة

March 12, 2007 at 10:15:00 AM GMT+2  
Blogger Hannoda said...

البقاء لله ... الله يرحمها ويصبر أبوها و أمها

أثرت فيّ جدا .. وبالذات بعد ما اتعلقت بضحكتها من وصفك ليها.. كنت متوقعة إني حاقرى موقف ما عملته

الله يرحمها

March 12, 2007 at 7:01:00 PM GMT+2  
Blogger innominatex said...

الله يرحمها,,,,,,عامه انا مبئتش اتأثر بالموت اوي عشان كل يوم بشوفه في المستشفى..... و ياما شوفت عيال ماتت و كانوا يقطعوا القلب من كتر ما كانت قصصهم تحزن......خد عندك و انا في امتياز في مستشفى الدمرداش كان في و لد عندوا انيميا البحر المتوسط و يتيم و الجران جابوه و سابوه في المستشفى و محدش كان بيسأل عليه خالص الممرضه تعلقله الدم و يقعد من سكات و كل العيال معاهم اماهتهم و كانوا سايبنه في المستشفى عشان مفيش حتى اصلا يروحها و ملوش في الدنيا غير ربناو مره واحده كده جيت الصبح انا و صحابي و جايبنله يسكويت و شيكولاته لقيته مات لكن في حاجه لفتت نظري في قصتك هي بصراحه حاجه تضحك قال ايه الممرضه بتزغزغها انا افتكرتك بتقول بتزغدها طب كويس لسه في ممرضات عندهم شويه رحمه و بيدلعوا العيال ده كويس انها مسممتهاش و لا اديتها حقنه غلط .....

March 12, 2007 at 7:52:00 PM GMT+2  
Blogger بعدك على بالى said...

البقاء لله .. ربنا يصبر اهلها.. حاسه بامها والله قد ايه افتقاد ابن او ابنه صعب وبيدبح الام والاب بس الام اكتر...

كتابه جميله.. قدرت تسمعنا احنا كمان ضحكتها..

تحياتى

March 12, 2007 at 8:17:00 PM GMT+2  
Anonymous maha said...

سلام عليكيا ايمن
حاولت و انا بقرا الموضوع من اوله اني افكر ازاي تكون ضحكة اسماء و حطيت صوت معين في بالي و بدات اسمعه فعلا و ابتسمت ...بس ملحقتش افرح لاني متخيلتش تكون دي النهاية
الله يرحمها ربنا يصبر اهلها

سلام
مها

March 12, 2007 at 8:20:00 PM GMT+2  
Blogger tamer said...

This comment has been removed by the author.

March 12, 2007 at 9:11:00 PM GMT+2  
Blogger tamer said...

ازيك ايمن اخبارك اية

دة حال الدنيا ربنا يرحمها


يارب


اثرت فيا جداا

March 12, 2007 at 9:29:00 PM GMT+2  
Blogger 35L said...

موضوع جامد جدا يا أيمن

March 12, 2007 at 9:38:00 PM GMT+2  
Blogger 35L said...

أدعوكم جميعا للمشاركة فى البلوج بتاعى...موضوع مهم بدأت فيه....و أحتاجكم معى

March 13, 2007 at 12:02:00 AM GMT+2  
Blogger حــلم said...

ايمن
ليه بس توجع قلوبنا كدة
ربنا يرحمها

ربما كان الكلام اكثر صعوبة على أم
هتخلينى اروح اصحيهم وافضل ابوس فيهم

March 13, 2007 at 12:43:00 AM GMT+2  
Blogger ساعه الغروب said...

بجد مش عارفه اقولك
ايه
مش عندى اى كلمات تتقال

الله يرحمها

بجد مش قادره اوصف احساسى
اتصدمت صدمه غريبه بالرغم من انى كنت متوقعه النهايه
بس ما كنتش متوقعه الكلمات اللى قريتها دى نهائى



ربنا يصبر اهلها

March 13, 2007 at 12:50:00 AM GMT+2  
Blogger nadine said...

دى ملاك و رجع لمكانه تانى فى السما

المهم انها سابتلك سوفنير ضغنطوط
ضحكتها اللى فى ودنك

حاول بعد كده لما تفتكرها
ماتعيطش
ابتسم
عشان اكيد
اكيد
هى سعيدة دلوقتى

March 13, 2007 at 1:05:00 AM GMT+2  
Blogger Rasha said...

غريبة هذه الحياة
اشخاص لا تعرفهم وتقابلهم وربما لا يكون بينكم كلام
ممكن ابتسامة تغير لك حياتك ما بالك ان رأيت ملاك صغير يضحك وسط الالم والخوف

ربنا يرحمها ويصبر كل الي بيحبوها
واكيد هي لسه بتضحك
ولسه نقدر نسمع ضحكتها

يا رقيق القلب
لا نملك سوى الدعاء لها ولاهلها

March 13, 2007 at 9:02:00 AM GMT+2  
Blogger متغيرة شوية said...

This comment has been removed by the author.

March 13, 2007 at 4:31:00 PM GMT+2  
Blogger متغيرة شوية said...

البقاء لله
ساعات الواحد بيتصور ان الأطفال كائنات ضد الموت ..لكن الزمن بيورينا ان كلنا لها
الله يرحمها
************
سعيدة قوي اني شفتك في اللقاء

March 13, 2007 at 4:34:00 PM GMT+2  
Blogger أميرة ويلز said...

اصعب حاجة على القلب واكتر حزن يمس الواحد ويخليه يبكى هو الم الاطفال
مرضهم وحزنهم وهما فى عمر الزهور بكيتنى ياايمن

الله يرحمها

March 13, 2007 at 7:11:00 PM GMT+2  
Blogger جبهة التهييس الشعبية said...

القصاص لأسرانا الشهداء رجاء التوقيع وارسال الرسائل

March 13, 2007 at 10:04:00 PM GMT+2  
Blogger ذو النون المصري said...

شيء مؤسف ان تري انسان تنبض روحه بالحياه ثم فجاه تري انه يحمل في جسمه الحي اسباب الموت
ثم يموت بلا اي وداع او ازعاج
هكذا تختفي صاحبة اجمل ضحكه رايتها و كانها لم تكن موجوده
كان الله في عون اهلها

March 13, 2007 at 10:06:00 PM GMT+2  
Blogger bluesky said...

تعرف ..ان اؤمن بان كل انسان يولد لهدف محدد في الحياة...
اعتقد ان ضحكتها دي هي الهدف اللي من اجله خلقت-و الله اعلم-
خلقت لتشع نورا طاهرا في اخر ايام لها في دنيا الظلام التي نعيشها
البقاء لله

March 14, 2007 at 2:28:00 AM GMT+2  
Blogger LAMIA MAHMOUD said...

العفو يا ايمن على اية انت تامر .. دي مش حاجة يعني .. واتمنى نشوفك تاني

March 14, 2007 at 3:25:00 AM GMT+2  
Blogger bagabigo said...

الله يرحمها و عدتنى بلقاء فى يوم مش جمعة متنسانيش لا جمعة و لا خميس اى يوم تانى يعجبكم

March 14, 2007 at 7:58:00 AM GMT+2  
Blogger MAKSOFA said...

والله انا فعلا موش ناقصه
دموعي نزلت دلوقتي خصوصا لما كنت بأقرأ البوست وأفتكرت اسير مصري طالع يقول انهم في حرب 67م و73م كانوا بيخدوا منهم دم علشان يفضلوا موطين راسهم وعلي طول منهكي القوة
ولم سمعت اسير تاني بيتكلم هلي انهم كانوا بفتحوا جزء من الساعد ويسيل منه الدم ويحقنوهم بماده وبعد كه اكتشفوا اصابتهم بفيروس سي
و ياخدو اعضاءهم

ياااااه يامصر
ياام الصابرين يابلدي

March 14, 2007 at 8:42:00 AM GMT+2  
Blogger Ma-3lina said...

ربنا يرحمها برحمته و يشفى الاطفال و المسلمين جميعا

احزنتنى اوى لانى كل سنة بيجيبوا عربية التبرع بالدم و بيرفضوا ياخدوا منى دم كنت بزعل اوى لانى مليش الشرف انى اساعد الناس دى

March 14, 2007 at 12:37:00 PM GMT+2  
Blogger mano said...

ربنا يرحمها و يشفى الجميع
اصعب حاجه انك تشوف طفل بيتألم
و الأصعب انك تشوفه بيموت
الله يرحمها

March 14, 2007 at 3:01:00 PM GMT+2  
Blogger ahmEd_H said...

ايمن
و انا بقراء القصة فضلت افكر كام بنت صغيرة زى اسماء ممكن تموت لو مفيش واحد زيك راح يتبرع بدمه علشان ينقذهم كام بنت صغيرة حتموت لو مزودناش عدد المستشفيات وكبرنها

بجد القصة اثرت فيا جدا و انشالله انا ناوى اقترح عمل حمله للتبرع بالدم

ربنا يرحمها

March 14, 2007 at 8:02:00 PM GMT+2  
Blogger Blank-Socrate said...

سامحينا يا اسماء فى مسئوليه علينا كلنا

March 15, 2007 at 4:11:00 AM GMT+2  
Blogger khaled said...

ياااااااااه
الله يرحمها و يرحم موتى المسلمين

March 15, 2007 at 4:48:00 AM GMT+2  
Blogger مجهول said...

فقط
رحمها الله وغفر لها
عزيزي
ايمن
كم كنت ان ازورك في وقت غير وقتك هزا
لكن شاءت الاقدار
سمعت عنك كثيرا عن ايمن فاروق
راسبوتين
اتمني ان اكون ممن تشرفهم بزيارتك
ولك مني التحيه و الاماني بالصبر و السلوان

March 15, 2007 at 6:50:00 AM GMT+2  
Blogger hurricane_x said...

Allah yer7amha wer7amna game3an yarab.

March 15, 2007 at 7:59:00 AM GMT+2  
Blogger مصر هى أمى said...

راسبوتين
وحشتنى جدا
انا مش هقولك غير حاجة واحدة
ان الله استرد وديعته

صديقى العزيز ايمن احنا مفروض نفرح ليها لانها ضمنت الجنة لكن احنا عايشيين ومش عارفين هندخل الجنة ولا لا لكن هيا ضمنت اهم حاجة احنا عايشيين ليها وهيا دخول الجنة
وبصراحة انت مشاعرك رقيقة جدا وانا مبسوط انى عرفتك والله

March 15, 2007 at 10:33:00 AM GMT+2  
Blogger ادم المصري said...

ايمن

مش عارف بصراحه اقولك ايه


لكن هي الحياه كدا

ما حدش فينا بيختار نصيبه



علينا احنا التعامل مع معطيات الحياه زي ماهية
صدقني
ملحجش كان يقدر يعمل للبنت دي حاجة



البنت دي كانت جرس تنبيه ليك

وانت تنبهت


وجاي تنبهنا




كل واحد له دور ووظيفه محسوبة في الحياه دي







تحياتي ليك

March 15, 2007 at 12:38:00 PM GMT+2  
Blogger david santos said...

هذا عمل جيد جدا ، شكرا

March 15, 2007 at 7:40:00 PM GMT+2  
Blogger moorgen said...

ايمن

اولا ربنا يرحمها ويصبر مامتها
انا اكتر حاجة بتأثر فيا الاطفال وخصوصا دموعهم اما ضحكتهم دى دنيا تانيه
حاول كدا تكون مهموم وشوف طفل بيضحك وقولى هاتحس بايه

March 15, 2007 at 8:14:00 PM GMT+2  
Blogger قاسم أفندي said...

أيمن
صعب أوي ربنا يصبر أهلها

آمل متابعة موضوع الأقصى علي مدونتي
توجد أخبار سعيدة
أشكرك

March 15, 2007 at 9:15:00 PM GMT+2  
Blogger أحمد سلامة said...

الله يرحمها ويصبر أهلها

March 16, 2007 at 1:29:00 AM GMT+2  
Blogger Mohamed Hamdy said...

الله يرحمنا مش يرحمها هيا

March 16, 2007 at 1:52:00 AM GMT+2  
Blogger ~ Bato0ot ~ said...

bgd msh 3rfa a2ol eh ana dam3t 3nya .. 3al bnt ,, 7abetaha aknha s7bty mn kalamak 3nha fel setor el 2olyela de ekhtsrt feha kol bara2etaha w weshaha el mala2ky .. ely ana tkhylto mn kalamak ..
el baqa2 lelah.. rabna ysbar ahlaha ..

March 16, 2007 at 2:45:00 AM GMT+2  
Blogger جبهة التهييس الشعبية said...

اتقبض على ناس في مظاهرة
اظن التظاهرة التدوينية مش شغب ولا حاجة
رجاء من كل المدونين وضع هذه الأغنية في مدونتهم:
يا قبضتي دقي على الجدار
لحد ليلنا ما يتولد له نهار
يا قبضتي دقي على الحجر
لحد ما تصحي جميع البشر
مش فاهم اللي حاصل
لكن بقلبي واصل
واللي مش فاهمه عقلي
بتشرحه السلاسل
يا قلوب بتنزف دم في العتمة
يا قلوب بتنزف دم وتغني
سجنوكي والكلمة
غصبن عنها وعني
طلعت من القضبان وم الاسوار
الاكواد بتاعة الاغنية اهه
رجاء تبقى شعار المدونين في الوقت اللي بيتعرض فيه كل صاحب رأي - على اختلاف انتماءاتهم - للظلم
الاكواد بتاعتها في الموقع ده






كنت اخدتها من غزالي
تصحيح اللنك



http://www.mp3asset.com/swf/mp3/minime.swf?myid=1575758&f=3

March 16, 2007 at 5:25:00 AM GMT+2  
Blogger Epitaph said...

الله يرحمها و يغفر لها
و نلقاها في الجنة من ضمن اللؤلؤ المنثور ان شاء الله

:(

قد ايه احساسك عالي

وقد ايه بالعن كل واحد ساهم في كمية الفساد و الدمار و الخراب اللي جيه اليوم مصر ولادها بيموتوا كدة

اه من اللي بيحصل
و حيحصل

حقك علينا يا اسماء

ربنا يرحمنا

March 16, 2007 at 9:32:00 PM GMT+2  
Blogger عين ضيقة said...

أسماء
يظهر انها هتكون ضحكتك ووجعك

ربنا يرحمها ويرحمنا
والبقاء لله

March 16, 2007 at 10:13:00 PM GMT+2  
Blogger دوللي said...

ياااااه حصل معايا الموضوع ده كنت بتدرب و انا في الكليه في قسم الحروق القصر العيني و كان في ام و بناتها الاتنين في حاله حرق سيئه اتجهت الي الابنه الصغره و بدأت في معالجتها وببرائتها علقتني بها و كانت احلي حاجه في اليوم ده هي نطقها لاسمي بحب بالرغم من ان كلامها قليل و وعدتها بأن اشتري لها حلويات في المره القادمه و جاءت المره القادمه و انا احلم بلقاءها مره ثانيه ولكن .... الله يرحمهم جميعا ان شاء الله و البقاء لله وحده عز و جل

March 16, 2007 at 10:39:00 PM GMT+2  
Blogger الوردة السودة said...

مؤلمة اوى

March 17, 2007 at 11:36:00 AM GMT+2  
Blogger whyme said...

الباقيه فى حياتك يا صديقى
و منجيلكش فى حاجه وحشه
اهم هما دايما الى بيعزوا بيقولوا كده
لكن انا بقول شئ تانى بقووووول انه يابختها و عقبالنا كلنا لما نكون فى نفس المكان الجميل الى هيه فيه و اكيد ان ضحكتها دلوقتى ماليه الدنيا كلها و علشان كده انت لسه سامعها

ربنا يرحمها و يرحمنا و يوصلنا لاجمل مكان بجانبها لان اكيد احسن مكان فى السما محجوز لهؤلاء الاطفال ببرائتهم و كمان لليقدروا برغم كبر سنهم انهم يوصلوا لبرأه الاطفال و يقفلوا الدايره من جديد


تحياتى يا صديقى العزيز و صدقنى من كتر احساسك فى البوست انا برضه سمعت ضحكه اسماء و بالاماره كمان ضحكتها حلووووه اوى

March 17, 2007 at 6:55:00 PM GMT+2  
Anonymous shiko said...

البوست ده انا بحاول اتماسك عشان ارد عليه
قد ايه حزنت عليها كأنى انا كمان شايفاها وسامعه ضحكتها
الله يرحمها اسماء ويرحم مواتنا جميعا
ويشفى من ابتلى بهذا المرض اللعين

اشكرك يا ايمن

March 17, 2007 at 10:31:00 PM GMT+2  
Blogger Sharm said...

الموت ملوش كبير

March 18, 2007 at 1:06:00 AM GMT+2  
Blogger emos said...

يا بختها هتدخل الجنة ربنا يكتهلنا كلنا يا رب

March 18, 2007 at 5:53:00 PM GMT+2  
Blogger الأرمـوطــي said...

قصه مؤثره قوى انت فعلا انسان حساس وجميل مش اى حد ممكن ياخد باله زيك من الحجات دى

March 18, 2007 at 11:09:00 PM GMT+2  
Blogger زحل الفلكي said...

بجد حكاية توجع
بس فيها امل
وهو موضوع التبرع بالدم ده
تفكر ممكن كام طفلة زيها ممكن يكون ليهم فرصه لو وجدوا العلاج

بجد قصة اثرت فيا اوي
وعيشتني فعلا في احداثها

March 19, 2007 at 12:20:00 AM GMT+2  
Blogger raspoutine said...

This comment has been removed by the author.

March 19, 2007 at 4:30:00 AM GMT+2  
Blogger raspoutine said...

شكرا للجميع بس لازم نفكر فى حكمة ربنا سبحانه وتعالى من القصة دى ومش عايزين نكتفى بأننا نبكى ونترحم احنا لينا دور فى الحياة دى لازم نأديه عشان ربنا هيسألنا عملنا ايه لكل الناس اللى اتعذبو من المرض مش عايزين نقف قدام ربنا سبحانه وتعالى ومعندناش كلام نقولو لازم نعمل اللى علينا لازم

March 19, 2007 at 4:40:00 AM GMT+2  
Blogger hebaz said...

yaah 3la waga3 el 2alb:(
bas heya 2irta7et
bas zay manta 2olt lazim yeb2alna door fitakhfef el 3azab 3an kol 7ad beyet2alem

March 19, 2007 at 1:19:00 PM GMT+2  
Blogger حواء said...

أيمن
عجزت حروفى عن التعبير عنك كإنسان يتمتع بهذة الرحمة والحب لمن حولة فلذلك الصمت أبلغ فى تقديرك
أحييك فعلا وأضم صوتى الى صوتك بأن لانكتفى بالقول بلا فعل عملى حقيقى
وكفنا غفلة وبعد عن أشياء صغيرة ربما لاتكلفنا الكثير ولكنها أكيد تمنحنا الكثير
تحياتى

March 19, 2007 at 7:38:00 PM GMT+2  
Blogger mado said...

سبحان الله
بس هي في الجنة إن شاء الله من الولدان المخلدون

فكرتني بيوم رحت انا و اختي مستشفي عشان نتبرع بدمنا لست سمعنا انها تعبانة و حالتها خطيرة شوية

رحنا المستشفي و قلنا نطمن ان الست محتاجة الدم فعلا،سألنا ممرضة كبيرة في السن بس طيبة جددددددددا عن الست و عرفنا انها قعيدة من كذا سنة و جلها قرح فراش و كده

و رحنا نبس عليها من علي الباب كده لقينا واحدة ثابتة أووووووي و فاتحة الراديو و هزرت مع الممرضة شوية و بعد كده مشينا

بس للأسف يومها انا و أختي متبرعناش عشان ضغطنا كان واطي

March 20, 2007 at 9:00:00 PM GMT+2  
Blogger The Groom said...


الى جنة الخلد يا أسماء

الله يرحمها

دمي من عيني يبكي

سلااااام

March 21, 2007 at 3:44:00 PM GMT+2  
Blogger ليه said...

الله يرحمها ويصبر اهلها ويسكنها فسيح جناته
عارف ، انت أرجعتني للأيام التي كنت أزور فيهاابنة بنت خالتي ذات الخمس سنوات في معهد الأورام حيث كانت تعالج من المرض الخبيث،لقد ذكرتني بالأطفال الائي رأيتهم هناك ولكل طفل حكاية تدمي القلب
اللهم الطف بهم جميعا واشفي كل مريض وخفف عنا ولا تحملنا مالا طاقة لنا به

April 8, 2007 at 10:25:00 PM GMT+2  
Blogger barbie girl said...

ربنا يرحمها ويرحمنا جميعا يارب

April 19, 2007 at 7:34:00 PM GMT+2  
Blogger The Groom said...


الله يرحمها

يا رب وارحمنا

September 29, 2007 at 8:20:00 PM GMT+2  
Anonymous علي said...

رحمت لله عليها تمنيت لو لم تكتب السطر الاخير

February 2, 2008 at 8:27:00 PM GMT+2  
Blogger ست الحسن said...

مع إن التعليقات هنا _ على الموضوع ده _ كتيرة أوي

بس حبيت اقولك إني حبيت أسماء أوي وعرفت أشوفها بعنيك

بجد طول ما هي موجودة في قلب حد بيحبها مش هتموت أبداً

April 14, 2008 at 8:24:00 PM GMT+2  
Anonymous Anonymous said...

الله يرحمها

Eric Matt

April 28, 2009 at 9:20:00 AM GMT+2  

Post a Comment

Subscribe to Post Comments [Atom]

Links to this post:

Create a Link

<< Home